بيني وبينك

ثلاثية الحب….. أنا وياه و مراتو

الحب من منا لا تريد الوقوع في الحب و تتخيل نفسها أميرة بين أحضان فارس أحلامها ، لكن الحياة لا تقدم لنا دائما ما نشتهي ، و أحيانا تضعنا في مواقف صعبة نسيء بسببها الاختيار و نختار الشخص الغلط ، خيار نفقد معه الحب و السعادة و الاستقرار و نرافق البئس و الحزن و الدموع
لا تسيء الاختيار و فكري دائما بمنطق العقل قبل القلب

 

ندى 28 سنة

تلاقيت بواحد الراجل صدفة تعرفت عليه ولينا كانبغيو بعضياتنا ولكن من بعد عرفت بللي هو مزوج و واقف على الطلاق تصدمت ولكن تقبلت الموضوع بحكم أنه غادي يتطلق المشكلة أن الزوجة ديالو كانت باغا الطلاق و دابا ولات رافضة الفكرة حيت لقات راسها بللي حاملة
و أنا بقيت الوسط مابقيت عارفة واش نكمل معاه ولا نحبس هاد العلاقة المرونة اللي خرجات ليا على حياتي
ممكن تنصحوني واش نكمل معاه و لا نخليه يمشي يعيش مع مرتو و ولدو؟

 

 

لمياء 30 سنة

عارفة قصتي تقدر ماتعجبش الناس و يقدرو مايجيوش فصفي و لكن غي سمعوني و حطو راسكم بلاصتي
أنا كان كيعجبني واحد الراجل جارنا مزوج و عندو زوج ولاد كنت ديما كانشوفو من بعيد واحد النهار تلاقيت معاه فالمصعد ديال العمارة اللي ساكنين فيها و من تما بدينا الهدرة ديالنا و بقينا كنهدرو بحال جيران و تطورات العلاقة ديالنا مع الوقت أو ولينا كانبغيو بعضياتنا بزاف ,دابا أنا عارفة راسي غالطة حيث بديت و كملت معاه و أنا عارفاه مزوج و أب كيبقا فيا الحال ولكن أنا كانبغيه و حتا هو كيعاملني زوين ولكن عمرو ماجبد معايا موضوع الزواج.
دابا إيلا طلب مني أننا نتزوجو واش نقبل نكون زوجة ثانية ؟

اترك رد