بورتريه

زينب فاسيكي.. حشومة!

“أنا فنانة ماشي عاهرة”: الشعار اللي كترددو زينب فاسيكي فكل مناسبة٫ بسبب الاتهامات للي كتوجهه ليها بنشر الفساد وعدم احترام العادات والقيم المحافظة ديال المجتمع المغربي٫ حيت هي فنانة تشكيلية اختارت تعبر من خلال الرسم الكاريكاتيري لجسد المرأة على قضايا وافكار خارج الصندوق٫ بحال الحرية والمساواة والحقوق الفردية٫ جعلت البعض يحاربها بأشرس الوسائل٫ وولات المضايقات ورسائل التهديد للي كتتعرض ليها جزء من روتينها اليومي.

فالأصل٫ هي مهندسة ميكانيكية٫ تزادت سنة 1994 وعاشت فمدينة فاس٫ وتخرجت من كلية الهندسة سنة 2017٫ وهي ناشطة حقوقية فمجال حقوق المرأة والمساواة بين الجنسين.بدات زينب الرسم فسن الرابعة٫ ومع مرور الوقت خدمات على الموهبة ديالها وصقلاتها, لكن الشهرة ديالها بدات من مواقع التواصل الاجتماعي منين بدات ترسم جسدها بدون ملابس٫ هاد الفعل خلق جدل كبير تسبب ليها فالكثير  من المشاكل والمتاعب فحياتها٫ لكن فنفس الوقت هاد الجدل فادها٫و تسلطات عليها الاضواء من جهات عالمية للي عطاتها الفرصة تشارك فبزاف ديال التظاهرات فجميع القارات تقريبا.

الرسم بالنسبة لزينب هو هواية فالدرجة الأولى٫ مع أنها خداتو كمهنة منذ 2013  ولكن مازال محافظة على الشغف اللي كيكون عندنا فالهواية ديالنا وللي كيخلينا نبدعو نطورو نفسنا فيها كثر٫ وأيضا كتعتابرو وسيلة للتعبير على الأفكار ديالها٫ بحال كتاب حشومة للي صدراتو سنة 2019 وللي هو عبارة عن مشروع فني مكون من عدد ديال الصور والرسومات للي جمعتها فالكتاب٫ كتعرض من خلاله الأفكار السلبية المتعارف عليها فالمغرب عند التعامل مع الفتاة منين تكون صغيرة٫ كتقدم فيه أيضا آراءها فالتمييز للي كتتعرض ليه المرأة المغربية من تحرش وخلافه٫ سواء الجسدي أو اللفظي٫ وجميع إشكال العنف الأخرى.

في 2020 فازت زينب فاسيكي بجائزة التشجيع فالمهرجان الفرنسي أنغوليم الدولي للقصص المصورة٫ للي هو ثاني أكبر مهرجان فأروبا فهاد الميدان٫ والثالث في العالم.

1 Comment

  1. Avatar

    Amina

    20 أغسطس، 2023

    nice

اترك رد